| 同大家匯報吓近況：
1. 行動緩慢
其他人行得好快，一步等於我兩步，上落火車、出入大閘同電梯不停被人搶閘、cut線
2. 走投無路
吸煙者同Seven一樣，緊有一間(個)係咗近，但又冇得唔行街，硬食大量二手煙
3. 頭腦遲鈍(情況比在加拿大嚴重)
(坐火車途中)W：o依，坐馬鐵(馬安山鐵路)可以去到車公廟喎！
媽：喺大圍站已經行到去啦！(同行不熟友人滴汗中)
4. 十問九唔應(識)
朋友M：陣間去邊度食？
W：ar....
朋友Ｃ：不如去xx啦﹗
W：ar.... xx喺邊？
5. 食野唔抺嘴(ar...唔係偷食呀)
無論早茶、午飯、tea、晚餐定係宵夜；無論中、泰、滬、港西定打邊爐，我都好清醒咁無自動俾10% tips(其實淨係俾過一次錢 :p)，但係每一次，我都唔記得帶包紙巾出街(好彩其他人有)......加燦嘅本性真係難移
p.s. 香港真係變了，劉德華一句「今時今日咁嘅服務態度係唔得架」，的確改變了整個服務行業的生態。商場、銀行、餐廳酒樓的服務員個個都彬彬有禮、連大快活抺枱阿姐每收一次碟時都要講番句「多謝光臨！」
多一分客套，亦多一分拘謹，幸好茶餐廳伙記還會好整以暇咁同茶客吹吓水，講吓波經，感覺反而更親切。
|
| |
| 凌晨兩點三十分，打開櫃桶「掃貨」之際，看見那個空了大半的名片盒。我順手拿起，往周刊組旁的藍箱走去，但站在箱前，準備recycle的一刻，由手開始，我不期然地震了起來...... 畢竟，我還是捨不得。 jo b，記得嘛？我曾經說過，離開明報時，我的theme song將會是《我決定走了》。結果，到走的一刻，響起的，卻是這一首。 菌(那晚我真的有為你祈禱，以後都會)、水晶、Janice (thx for the cookies)、Angel、維司、Maggie、Shirley、Kat、南哥、主席......要多謝的人很多，不一一細說了，一切，在心中。 末了(但不是最後)，容我說一句：I Love U ALL! |
| |
| --------The basis of choice. The satisfaction, or reward, a product yields relative to its alternatives.-------- 一個經濟學的名詞﹐解釋人的選擇。簡單來說，就是：I choose it because I like it.-------可以全無理性可言，所以第一次讀到Utility的時候，覺得很無聊，不明白為何要花時間去學這一個概念。 最近，朋友A、B和C都躊躇於人生的交差點-------說穿了，也不過是應否和另一半分手。A的她「就當我未玩夠」，結果玩出火；B的他情深款款，說自己「永遠心中背負著往時」，但又說不忍心和B分手；C的他一個月前還「什麼她真比我襯，覺得不應該再等」，但一個月後就要來個浪子回頭。 結果A向我告解：「我都知道冇將來，但而家都係想同佢一齊」；B主動提出分手，還唱了一首《你快樂，所以我快樂》；C最直接了當：「什麼是快樂？快樂是主觀的！」一篇blog，壓下了所有人的留言。 「開心咪得囉！」既然經已下了決定，我唯有半真半假地回應，但同時想起了Utility。 說到底，Economics不過是一門解釋人類行為的學問，現在想來，Utility反而是當中最實際的一課。 「耗盡了一輩子的竭斯底里，不知道為了什麼。」為的，不就是這一刻的一句「我鍾意」麼？如果有朝一日會醒過來，那就到時再算吧！ |
| |
